Rəcəb Tayyib Ərdoğan Şovi faciəsi ilə bağlı Gürcüstana başsağlığı verib

Türkiyə Respublikasının Prezidenti Rəcəb Tayyib Ərdoğan Şovidə baş vermiş təbii fəlakət nəticəsində həlak olanlarla bağlı kədərini ifadə edib, Gürcüstanın Baş naziri İrakli Ğaribaşviliyə və gürcü xalqına başsağlığı verib.

InterPress.ge xəbər verir ki, bu barədə Gürcüstanın Xarici İşlər Nazirliyi məlumat yayıb.

“Gürcüstanda baş verən sürüşmə nəticəsində çoxlu sayda insanın həlak olması və yaralanması barədə böyük kədər hissi ilə xəbər tutdum. Zati-aliləri, dost və qonşu gürcü xalqına və mərhumun yaxınlarına xalqım və şəxsən öz adımdan başsağlığı verirəm”, - deyə Ərdoğan qeyd edib.