Gənc oğlan qoca atasını döyərək ölümcül xəsarətlər yetirdi

Calengixanın Mujava kəndində gənc saxlanılıb.

InterPress.ge xəbər verir ki, o, qoca atasını döyərək ölümcül xəsarətlər yetirib.

Yerli sakinlərin sözlərinə görə, qoca küt əşya ilə xəsarət alıb, xəstəxanaya çatdırılandan sonra dünyasını dəyişib. Hadisə ötən gün baş verib. Bundan əvvəl həkimlər özləri polisə müraciət edərək fiziki zorakılıq əlamətlərinin olduğunu bildiriblər.

Daxili İşlər Nazirliyinin məlumatına görə, hadisə ilə bağlı Cinayət Məcəlləsinin 117-ci (qəsdən sağlamlığa ağır zərər vurma) maddəsi ilə araşdırma aparılır. Artıq saxlanılan şəxsə qarşı ittiham irəli sürülüb.