37 yaşlı kişi münaqişə zəminində 25 yaşlı oğlanın boğazını kəsdi

Kaxetidə qətl - 25 yaşlarında oğlan öldürülüb.

InterPress.ge xəbər verir ki, hadisə gecə saatlarında Ğvareli bələdiyyəsinin Eniseli kəndində baş verib.

Əvvəllər məhkum olunmuş 37 yaşlı kişi aralarında yaranan mübahisə zəminində gənc oğlanın boğazına bıçaqla xəsarət yetirib. Yaralı gənc yerindəcə ölüb.

37 yaşlı kişinin özü də ciddi xəsarətləri alıb. Təcili yardım briqadası onu Telavi xəstəxanasına aparıb.

Həkimlərin sözlərinə görə, pasiyent əməliyyat olunub və onun həyatı üçün təhlükə yoxdur. Artıq hüquq-mühafizə orqanlarının əməkdaşları kişini palatasında ziyarət ediblər.

Münaqişənin səbəbi hələlik məlum deyil.