Ermənistan XİN rəhbəri: "Ermənistan və Azərbaycanın xarici işlər nazirləri ayın sonunda daha bir görüş keçirəcəklər"

"Ayın sonunda Ermənistan və Azərbaycanın xarici işlər nazirləri sülh müqaviləsini müzakirə etmək üçün növbəti görüş keçirəcəklər". 

InterPress.ge erməni mətbuatına istinadən xəbər verir ki, bunu Ermənistan Respublikasının xarici işlər naziri Ararat Mirzoyan sentyabrın 14-də Ermənistan Milli Assambleyasının iclasında hökumət saatında deputatların suallarını cavablandırarkən bildirib.

Onun sözlərinə görə, razılıq avqustun 31-də Brüsseldə keçirilən üçtərəfli görüşdə əldə olunub.

“Yəni artıq delimitasiya prosesinə start verilib. Paralel olaraq sülh sazişinin müzakirə olunduğu görüşlər keçirilib”, - Mirzoyan bildirib.

Nazir görüşün harada keçiriləcəyini açıqlamayıb.