Tbilisi Dövlət Universitetində tələbələr arasında əlbəyaxa dava

“Avropaya doğru” hərəkatının üzvlərinin 3 iyul aksiyası və ölkənin qərbyönümlü olması ilə bağlı məlumat xarakterli görüş keçirmək istədiyi Tbilisi Dövlət Universitetinin ərazisində tələbələr arasında qarşıdurma baş verib.

InterPress.ge xəbər verir ki, hadisə yerinə polis cəlb olunub.

“Avropaya doğru” üzvlərinin sözlərinə görə, görüş zamanı xüsusi broşürlər paylanılıb və vətəndaşları iyulun 3-də keçiriləcək mitinqə gəlməyə çağırıblar.

Onların sözlərinə görə, “Gürcü Arzusu”nun tərəfdarları hadisə yerinə gəlib və onlar şifahi təhqir etməyə başlayıblar və görüşü pozmağa cəhd ediblər. Qarşıdurma tələbələr arasında əlbəyaxa davaya çevrilib.