Telavidə avtomobil hissələri mağazasına bir neçə dəfə atəş açılıb

Telavidə atışma baş verib.  

InterPress.ge xəbər verir ki, Ağmaşenebeli küçəsində şəxslərdən biri Fazil Bayramova məxsus avtomobil hissələri mağazası istiqamətində bir neçə dəfə atəş açıb.  

Hadisə nəticəsində xəsarət alan olmayıb. 

Qaracalar kəndinin deputatı hadisə yerinə gəlib. Zurab Musayevin sözlərinə görə, biznesmen Sandro Mequtnişvili mağazaya atəş açıb və buna səbəb çox güman ki, şifahi mübahisə olub.

Musayevin sözlərinə görə, Mequtnişvili artıq polis tərəfindən saxlanılıb.

Daxili İşlər Nazirliyindən verilən məlumata görə, faktla bağlı Cinayət Məcəlləsinin qanunsuz silah əldə etmə, saxlama və gəzdirməni nəzərdə tutan 236-cı maddəsi ilə istintaq başlanılıb.