Tbilisidə iki nəfər bıçaqlandı

Didi Diğomidə mübahisə zəminində iki nəfəri yaralayıblar.

InterPress.ge xəbər verir ki, yaralıların soyuq silahdan yaralandıqları, lakin ciddi bir xəsarət almadıqları və sağlamlıqlarının təhlükə altında olmadığı bildirilib.

Daxili İşlər Nazirliyindən bildirildiyinə görə, hadisə ilə bağlı istintaq aparılır. Qurumdan verilən məlumata görə, istintaq Cinayət Məcəlləsinin qəsdən az ağır ziyan vurmağı nəzərdə tutan 118-ci maddəsi ilə başlanıb.

Hadisə ilə bağlı hələ heç kim saxlanılmayıb. Hadisə dünən axşam saatlarında baş verib.