29 
Iyn
2021
09:44
575

Messi Argentina millisində yeni rekorda imza atdı

İspaniyanın "Barselona" klubunun ulduz futbolçusu Lionel Messi Argentina millisində yeni rekorda imza atıb.

InterPress.ge-nin məlumatına görə, 34 yaşlı hücumçu buna Amerika Kubokunda Boliviyaya qarşı keçirdikləri A qrupunun son matçında nail olub.

Bu, Messinin yığmadakı 148-ci qarşılaşması kimi tarixə düşüb. Forvard 147 görüş keçirmiş Xavyer Maskeranonun rekordunu qırıb.

Qeyd edək ki, oyun Argentina millisinin 4:1 hesablı qələbəsi ilə bitib. Komandanın iki qolunu Lionel Messi vurub. Argentina 1/4 finalda Ekvadorla üz-üzə gələcək. Görüş iyulun 4-də keçiriləcək.

Bizimlə əlaqə saxlayın