Azərbaycan ordusunun iki hərbçisi minaya düşdü

İtkin düşmüş hərbi qulluqçuların axtarışı zamanı baş verən mina partlayışında iki Azərbaycan hərbçisi xəsarət alıb.

InterPress.ge xəbər verir ki, bu barədə Azərbaycanın Müdafiə Nazirliyindən bildirilib.

Məlumata görə, Vətən müharibəsi zamanı itkin düşmüş hərbi qulluqçular Suqovuşan yaşayış məntəqəsi istiqamətində aprelin 6-sı günorta saatlarında keçirilən axtarışları zamanı düşmən tərəfindən basdırılmış piyada əleyhinə mina partlayışı nəticəsində Azərbaycan Ordusunun hərbi qulluqçuları əsgər Əliyev Pünhan Şaban oğlu və əsgər Bəxtiyar İlqaroğlu xəsarət alıb, həyatları üçün təhlükə yoxdur.

Faktla bağlı araşdırma aparılır.