Ata beş yaşlı oğlunu öldürdü

Moskvada ata beş yaşlı oğlunu öldürüb.

InterPress.ge xəbər verir ki, bu barədə News.ru məlumat yayıb.

Moskvanın Proletarski prospektində yerləşən binada baş vermiş hadisə ilə bağlı bina sakinləri hüquq-mühafizə orqanlarına və təcili tibbi yardıma müraciət ediblər. Hadisə yerinə gələn təcili tibbi yardım əməkdaşları azyaşlının həyatını xilas edə bilməyib. Aldığı kəllə-beyin travması uşaq üçün ölümcül olub.

Azyaşlının valideynlərinin ayrıldığı və həftə sonlarını atası ilə keçirdiyi qeyd olunur.

Faktla bağlı araşdırma başladılıb.