AÇIQLAMA VERİLDİ - Tbilisi, Kutaisi və Rustavi şəhərlərində məktəblər və nəqliyyat bu tarixdən bərpa olunacaq

"Tbilisi, Kutaisi və Rustavi şəhərlərindəki məktəblərin və bələdiyyə nəqliyyatının 1 mart tarixindən etibarən fəaliyyətini bərpa etməsi planlaşdırılır".

InterPress.ge xəbər verir ki, müvafiq açıqlama Koordinasiya Şurasının iclasından sonra Baş nazirin müavini Maia Çkitişvili tərəfindən verilib.

“Tbilisi, Kutaisi və Rustavi şəhərlərindəki məktəblərin və buna müvafiq olaraq, bələdiyyə nəqliyyatının 1 martdan etibarən bərpa edilməsi planlaşdırılır. 15 fevraldan etibarən bütün şəhərlərdə açıq və qapalı bazarlar açılacaq",- dedi Çkitişvili.

Eyni zamanda, Batumi, Zuqdidi, Qori, Poti və Telavi şəhərlərində bələdiyyə nəqliyyatı, məktəblər və ticarət obyektlərinin işi 1 fevraldan etibarən bərpa ediləcək.