Ölkə ərazisində 27-28 avqust tarixlərində olacaq havanın proqnozu açıqlandı

27-28 avqust tarixlərində Gürcüstanın əksər ərazilərində fasilələrlə yağış yağacağı gözlənilir.

InterPress.ge xəbər verir ki, Milli Ətraf Mühit Agentliyinin məlumatına görə, avqustun 27-si səhər saatlarından etibarən Abxaziya, Sameqrelo-Zemo Svaneti, Raça-Leçxumi və Aşağı Svaneti, eləcə də Msxeta-Mtianeti bölgələrində, avqustun 28-də isə Kaxeti və Kvemo Kartli bölgələrində, o cümlədən Tbilisi və ətraf ərazilərdə bəzi yerlərdə yağışın güclü olacağı proqnozlaşdırılır.

Məlumata görə, yağışla yanaşı şimşək, dolu və güclü külək ehtimalı da var.

Agentlik bildirir ki, gözlənilən güclü yağıntılar çaylarda su səviyyəsinin əhəmiyyətli dərəcədə artmasına, kiçik çaylarda daşqınlara, dağlıq və təpəlik ərazilərdə isə sürüşmə və sel proseslərinin yaranmasına və aktivləşməsinə səbəb ola bilər.

Təhlükə səviyyəsi orta olaraq qiymətləndirilir.