Təmizlik avtomobili əməkdaşını vurub, gənc kişi ölüb

Kobuleti bələdiyyəsinin Buknari kəndində baş verən yol-nəqliyyat hadisəsi nəticəsində gənc kişi həyatını itirib.

InterPress.ge xəbər verir ki, yerli sakinlərin məlumatına görə, bələdiyyənin təmizlik xidmətinə məxsus avtomobil geri hərəkət etdiyi zaman öz əməkdaşını vurub. Hadisə nəticəsində gənc kişi dünyasını dəyişib.

Faktla bağlı Gürcüstan Daxili İşlər Nazirliyi tərəfindən Cinayət Məcəlləsinin 276-cı maddəsi ilə araşdırma aparılır. Sözügedən maddə nəqliyyat vasitəsinin hərəkəti zamanı təhlükəsizlik qaydalarının pozulmasını nəzərdə tutur.