ÜST rəsmisindən xəbərdarlıq: “Pandemiyanın ikinci ili daha ağır ola bilər”

Koronavirus pandemiyasının ikinci ili birincidən daha ağır ola bilər.

InterPress.ge-nin “RİA Novosti”yə istinadən məlumatına görə, bu sözləri Ümumdünya Səhiyyə Təşkilatının Fövqəladə Hallar üzrə Proqramının direktoru Maykl Rayan deyib.

“Biz ikinci ilə qədəm qoyuruq və xəstəliyin yayılma dinamikası, müşahidə etdiyimiz bir sıra problemləri nəzərə alsaq, bu il daha ağır ola bilər”, - deyə M.Rayan qeyd edib.

ÜST rəsmisinin sözlərinə görə, son iki həftədə təşkilata daxil olan məlumatlar xəstəliyin yenidən pik həddə çatdığını göstərir.