Almaniyanın Gürcüstandakı səfiri Peter Fişerin səlahiyyət müddəti başa çatıb

Almaniyanın Gürcüstandakı səfiri Peter Fişer bildirib ki, onun Gürcüstandakı diplomatik fəaliyyət müddəti başa çatıb.

InterPress.ge xəbər verir ki, diplomat bu barədə X sosial şəbəkəsində gürcü dilində paylaşım edib və Gürcüstan vətəndaşları ilə vidalaşıb.

“Gürcüstandakı səlahiyyət müddətimiz başa çatdı. Təşəkkür edirəm, xoşbəxt olun və ‘Auf Wiedersehen’ (yenidən görüşənədək)”, – deyə Peter Fişer paylaşımında yazıb.

Səfir paylaşımına Tbilisinin Rustaveli prospektində yerləşən 9 Aprel Memorialı önündə çəkilmiş fotosunu da əlavə edib. Fotoya ingilis musiqiçisi Piter Qabrielin “Won't Stand Down” (“Geri çəkilməyəcəyik”) adlı musiqisi müşayiət olunur.