Qlobal birjalarda qızıl bahalaşıb – Gürcüstanda qiymətlər necədir?

Qlobal birjalarda qızılın qiyməti artıb.

InterPress.ge xəbər verir ki, son ticarət əməliyyatlarının nəticələrinə əsasən, 1 unsiya qızılın qiyməti gün ərzində 39 ABŞ dolları artaraq 4 072 ABŞ dollarına çatıb.

Gold Price platformasının məlumatına görə, qiymətli metalın qiyməti son bir gündə 0,98% yüksəlib.

Eyni məlumatlara əsasən, son bir ay ərzində qızılın qiyməti 10% azalsa da, illik müqayisədə 23% artım qeydə alınıb.

Qlobal bazardakı bahalaşma yerli bazara da təsir edib. Belə ki, 1 qram qızılın qiyməti 6 lari artıb.

Hazırda 999 əyarlı 1 qram qızılın orta qiyməti 356 lari təşkil edir. Halbuki son günlərdə onun qiyməti təxminən 350 lari idi.