Müxalifət fəalı: İnsanları sadəcə 4 oktyabr hadisələrinə cəlb etdilər, həmin gün baş verənlər araşdırılmalıdır
Müxalifət fəalı David Çxeidze 4 oktyabr hadisələrini xatırlayaraq bildirib ki, həmin proseslərə cəlb olunan insanlar aldadılıb və baş verənlər gələcəkdə mütləq araşdırılmalıdır.
InterPress.ge xəbər verir ki, Çxeidze sosial şəbəkədə paylaşdığı açıqlamada həmin gün baş verənləri “avantüra” adlandırıb.
“Yəqin ki, çox nadir hallarda bu günkü qədər qəzəbli olmuşam. Çünki bilirəm ki, insanları sadəcə 4 oktyabr hadisələrinə cəlb etdilər. Məni də eyni şəkildə dəvət edir, qələbənin qaçılmaz olduğuna inandırırdılar. Onların yerində rahatlıqla mən də ola bilərdim. Bütün hesablamalara görə orada olmalı idim”, – deyə o yazıb.
Çxeidzenin sözlərinə görə, o vaxt bunun tələ olduğunu deyirdi, lakin ona qulaq asan olmayıb.
“Rejimin bu prosesə necə açıq şəkildə dəstək verdiyini görürdüm. Hətta həmin gün də hər şeyə şərait yaradıldı. Bu ölkənin vətənpərvər insanlarını sanki tələyə salaraq 5 və 7 illik həbs cəzalarına sürüklədilər”, – deyə fəal qeyd edib.
O bildirib ki, hakimiyyət dəyişdikdən sonra ilk növbədə 4 oktyabr hadisələri araşdırılmalı və bu prosesdə məsuliyyəti olan şəxslər cəzalandırılmalıdır.
“Rejim sona çatdıqdan sonra ilk araşdırılmalı məsələ 4 oktyabr avantürası olmalıdır. Öz cəmiyyətinə belə bir faciə yaşadan hər kəs ən sərt şəkildə cəzalandırılmalıdır. Girov saxlanılanları azad edin”, – deyə David Çxeidze vurğulayıb.
