Dini Məsələlər üzrə Dövlət Agentliyi Gürcüstanın şiə icmasını Qədir-Xum bayramı münasibətilə təbrik edib

Gürcüstanın Dini Məsələlər üzrə Dövlət Agentliyi ölkənin şiə müsəlman icmasını Qədir-Xum bayramı münasibətilə təbrik edib.

InterPress.ge xəbər verir ki, bu barədə Dini Məsələlər üzrə Dövlət Agentliyi məlumat yayıb.

Məlumatda qeyd olunur ki, şiə müsəlmanları mühüm dini bayramlardan biri olan Qədir-Xum gününü qeyd edirlər. İnanclara görə, həmin gün İmam Əli Allahın əmri və Həzrət Məhəmməd Peyğəmbərin vasitəsilə imam (varis) seçilib.

“Rəvayətə görə, hicrətin onuncu ilində Həzrət Məhəmməd Peyğəmbər Allahın əmri ilə Məkkə və Mədinə arasında yerləşən Qədir-Xum vadisində İmam Əli ibn Əbu Talibi öz varisi elan edib.

Dini Məsələlər üzrə Dövlət Agentliyi Gürcüstanın şiə icmasını bu bayram münasibətilə təbrik edir, onlara xeyirxahlıq və ümumi sülh arzulayır”, – deyə məlumatda bildirilir.