Tbilisidə avtomobil Mtkvari (Kür) çayına düşüb

Tbilisidə avtomobilin Mtkvari (Kür) çayına düşməsi ilə nəticələnən hadisə baş verib.

InterPress.ge xəbər verir ki, hadisə gecə saatlarında Qalaktioni körpüsü yaxınlığında qeydə alınıb.

Məlumata görə, avtomobildə bir nəfər olub.

Fövqəladə Halların İdarə Edilməsi Xidmətindən bildirilib ki, hazırda hadisə yerində axtarış-xilasetmə əməliyyatı davam edir.

Hadisənin səbəbləri və itkin düşən şəxsin taleyi ilə bağlı əlavə məlumat hələlik açıqlanmayıb.