Ağır yol qəzası nəticəsində gənc oğlan həyatını itirib

Tbilisidə baş verən yol-nəqliyyat hadisəsi gənc oğlanın ölümü ilə nəticələnib.

InterPress.ge xəbər verir ki, hadisə Saburtalo rayonunda qeydə alınıb. Məlumata görə, qəzada həlak olan şəxs kuryer olub.

Gürcüstan Daxili İşlər Nazirliyindən bildirilib ki, avtomobillə mopedin toqquşması nəticəsində mopedin sürücüsü hadisə yerində həyatını itirib.

Faktla bağlı Gürcüstan Cinayət Məcəlləsinin 276-cı maddəsi ilə istintaq başlanıb. Həmin maddə nəqliyyatın hərəkət təhlükəsizliyi və ya istismar qaydalarının pozulmasını nəzərdə tutur.