Ağır yol qəzası nəticəsində 17 yaşlı gənc həyatını itirdi

Gürcüstanın Kvareli rayonunda baş verən yol-nəqliyyat hadisəsi nəticəsində bir nəfər həyatını itirib.

InterPress.ge xəbər verir ki, hadisə ötən axşam Kvareli yaxınlığında qeydə alınıb.

Şahidlərin sözlərinə görə, içərisində 5 gəncin olduğu minik avtomobili qaz boru xəttinə çırpılıb. Nəticədə 17 yaşlı oğlan hadisə yerində dünyasını dəyişib.

Avtomobildə olan digər gənclər isə ağır xəsarətlərlə xəstəxanaya yerləşdiriliblər.

Faktla bağlı araşdırma aparılır.