Gürcüstanın xarici ticarət dövriyyəsi 2025-ci ilin 9 ayında 9,1% artıb

Gürcüstanın xarici ticarət dövriyyəsində artım müşahidə olunub. Gürcüstan Milli Statistika Xidmətinin (Saqstat) məlumatına görə, 2025-ci ilin yanvar-sentyabr aylarında ölkənin mal ticarəti dövriyyəsi (bəyannaməsiz ticarət istisna olmaqla) 18,545 milyard ABŞ dolları təşkil edib ki, bu da ötən ilin eyni dövrü ilə müqayisədə 9,1% çoxdur.

Hesabat dövründə ixracın həcmi 5,151 milyard ABŞ dolları olub (7,7% artım), idxal isə 13,393 milyard ABŞ dollarına çatıb (9,7% artım).

Ticarət balansının mənfi saldosu isə 2025-ci ilin yanvar-sentyabr aylarında 8,242 milyard ABŞ dolları təşkil edib ki, bu da ümumi xarici ticarət dövriyyəsinin 44,4%-nə bərabərdir.