Giorgi Kakauridze: “Pensiyalara 20 lari artım istədiyimiz məbləğ deyil”

Gürcüstan maliyyə nazirinin müavini Giorgi Kakauridze pensiyanın 20 lari, deputat maaşının isə 1000 lari artırılmasının ədalətli olub-olmaması ilə bağlı sualı cavablandırıb.

InterPress.ge xəbər verir ki, Kakauridzenin sözlərinə görə, 20 lari pensiya artımı arzu olunan məbləğ deyil, lakin büdcənin ilkin variantı ölkədə qüvvədə olan qanunvericilik əsasında hazırlanıb.

“Ədalət məsələsinə gəldikdə, demək olar ki, 20 lari artım istədiyimiz məbləğ deyil. Lakin bu gün büdcənin ilkin variantının müzakirəsinə başlamışıq. İlkin büdcə ölkədə mövcud olan qanunvericilik əsasında hazırlanıb. Buraya həm pensiyaların, həm də maaşların indeksasiyası daxildir.

Hər iki istiqamət Gürcüstan qanunvericiliyi ilə tənzimlənir. Buna görə də həm pensiya, həm də maaş mövcud qanunvericiliyə uyğun hesablanıb.

Digər məsələlərə gəlincə, məhz buna görə parlament müzakirələri keçirilir və büdcənin formalaşdırılması üçün iki aylıq müddət mövcuddur. Nəticədə hər bir istiqamət üzrə hansı göstəricilərin müəyyənləşdirilməli olduğu formalaşır”, – Giorgi Kakauridze bildirib.