Gürcüstan həndbol komandası Avropada çıxış edəcək

Gürcüstanın həndbol yığması Avropa çempionatına vəsiqə qazanıb.

InterPress.ge xəbər verir ki, seçmə mərhələnin beşinci turunda Tite Kalandadzenin yetirmələri Yunanıstanla üz-üzə gəlib və “Tbilisi Arena”ya toplaşan azarkeşlər gərgin qarşılaşmanın şahidi olublar.

Əvvəlcə Yunanıstan 7:5 hesabı ilə öndə olub. Gürcüstan komandası hesabı bərabərləşdirib - 10:10, buna baxmayaraq, yunanlar birinci hissədə yenə də üstün olublar - 16:14. Yunanıstan ikinci hissədə 3 top fərqi ilə önə keçsə də, ev sahibləri hesabı azaldıb.

Kalandadzenin yetirmələri əvvəlcə hesabı bərabərləşdirib - 20:20, sonra isə iki qol üstünlüyü əldə edib - 26:24. Qalan vaxtda yunanlar heç nə vura bilməyib və yekun hesab 29:26 olub.

Məlumat üçün bildirək ki, 5 turdan sonra Gürcüstan millisi Avropa çempionatına vəsiqəni təmin edən ikinci yeri təmin edib.

Komandamız ardıcıl ikinci dəfə Avropa çempionatının final mərhələsində çıxış edəcək. Gürcüstan millisi seçmə mərhələnin son oyununu mayın 11-də İslandiyada keçirəcək.Avropa çempionatı yanvarın 15-də başlayacaq.Ona İsveç, Danimarka və Norveç ev sahibliyi edəcək.