Ölkədə ən çox hansı avtomobil markaları istifadə olunur?
Gürcüstanda hər ay orta hesabla 8 min 100 avtomobil qeydiyyata alınır.
InterPress.ge xəbər verir ki, xidmət Agentliyinin rəsmi statistikasına əsasən, ölkədə avtomobillərin sayı son iki ayda 16,2 min vahid artıb.
Rəsmi məlumatlara görə, 2024-cü ilin yanvar ayının əvvəlində Gürcüstanda 1 870 657 avtomobil qeydə alınmışdı, hazırda isə bu rəqəm 1 886 918-ə çatıb.
Bundan əlavə, iki ay ərzində sürücülük vəsiqələrinin sayı da 4 479 ədəd artıb. Yanvar ayında Gürcüstanda 1 656 259 nəfərin sürücülük hüququ vardı, hazırda isə bu rəqəm 1 660 738-ə yüksəlib.
Milli Statistika Xidmətinin məlumatına görə, 2024-cü ildə Gürcüstanda ən çox istifadə edilən avtomobil markaları Toyota, Ford və Mercedes-Benz olub.
Ötən ilin göstəricilərinə əsasən, ölkədə ən çox qeydiyyatda olan 5 avtomobil markası belədir:
Toyota – 24 330
Ford – 18 136
Mercedes-Benz – 13 464
Hyundai – 7 738
BMW – 7 952
Bununla yanaşı, rəng baxımından ən populyar avtomobillər boz (39 755), ağ (38 472) və qara (31 539) rənglərdədir. Daha sonra mavi, qırmızı və yaşıl rənglər üstünlük təşkil edir.
