Futbol üzrə Gürcüstan yığması bu gün Albaniya ilə qarşılaşacaq

Gürcüstanın futbol yığması bu gün “Millətlər Liqası”nın ikinci turu çərçivəsində Albaniyanın futbol komandası ilə qarşılaşacaq.

InterPress.ge xəbər verir ki, qarşılaşma Tiranada keçiriləcək və Tbilisi vaxtı ilə saat 22:45-də başlayacaq.

Xatırladaq ki, qrupun ilk oyununda Gürcüstan millisi Çexiya futbol komandasına 4:1 hesabı ilə qalib gəlib. Albaniya millisi də ilk turun Ukrayna ilə oyununu qələbə ilə başa vurub.

Birinci dövrədən sonra qrupda 3-3 xalla Gürcüstan və Albaniyanın futbol komandaları liderlik edir.  

Gürcüstan millisinin UEFA Millətlər Liqasının qrup mərhələsinin səfər oyununun Tbilisidə, Birinci Respublika meydanında ictimai nümayişi keçiriləcək.