Rusiya Duması istənilən xarici təşkilatı Rusiyada “arzuolunmaz” elan etməyə imkan verəcək dəyişikliklər paketini qəbul edib

Rusiya Duması hər hansı xarici təşkilatın Rusiyada “arzuolunmaz” elan edilməsi imkanını yaradan dəyişikliklər paketini qəbul edib.

InterPress.ge xəbər verir ki, Bu barədə BBC-nin rus xidməti məlumat yayıb.

Rusiya Dumasının yekun, üçüncü oxunuşda qəbul etdiyi düzəlişlər paketi həm Rusiyada, həm də xaricdə bu cür təşkilatlarla əməkdaşlığa görə həbs və ya cəriməni nəzərdə tutur.

Qanuna edilən dəyişikliklər paketi Rusiyada istənilən xarici təşkilatın, o cümlədən xarici ölkələrin dövlət qurumları tərəfindən yaradılmış təşkilatların fəaliyyətini “arzuolunmaz” elan etməyə imkan verir.

Qanun indi Rusiya Federasiya Şurasında nəzərdən keçirilir və sonra imzalanması üçün Vladimir Putinə göndəriləcək.