Ermənistanın XİN rəhbəri: Ermənistanın Azərbaycanla tezliklə sülh müqaviləsi imzalamaq üçün siyasi iradəsi var

"Ermənistanın Azərbaycanla tezliklə sülh müqaviləsi imzalamaq üçün siyasi iradəsi var".

InterPress.ge xəbər verir ki, bu barədə Ermənistanın xarici işlər naziri Ararat Mirzoyan bildirib.

Vaşinqtonda Ermənistanın xarici işlər naziri Ararat Mirzoyan, Azərbaycanın xarici işlər naziri Ceyhun Bayramov və ABŞ dövlət katibi Entoni Blinken arasında üçtərəfli görüş keçirilib.

Ararat Mirzoyan qonaqpərvərliyinə görə Entoni Blinkenə təşəkkür edib.

“Ermənistanın Cənubi Qafqazda uzunmüddətli sülh və sabitlik bərqərar etmək məqsədi daşıyan ən qısa müddətdə Azərbaycanla sülh müqaviləsi bağlamaq və imzalamaq üçün siyasi iradəsi var”, - Ermənistanın xarici işlər naziri X-də yazıb.