Vaja Marqvelaşvili Avropa çempionu oldu

Xorvatiyanın paytaxtı Zaqrebdə keçirilən Avropa çempionatında cüdo üzrə qızıl medalı Vaja Marqvelaşvili (66 kq) qazanıb.

InterPress.ge xəbər verir ki, gürcü finalda türkiyəli Məhəmməd Dəmirələ qalib gələrək karyerasında ikinci dəfə qitənin qalibi olub.

Eter Lipartelyani (57 kq) turnirin final blokunda bürünc medal uğrunda mübarizə aparır.

Zaqrebdə aprelin 25-27-də fərdi yarışlar, aprelin 28-də isə komanda yarışları keçiriləcək.

Xatırladırıq ki, 2023-cü ildə Montpelyedə keçirilən Avropa çempionatını Gürcüstan millisi dörd gümüş medalla başa vurmuşdu - Tato Qriqalaşvili, Laşa Bekauri, İliya Sulamanidze və Quram Tuşişvili final görüşlərində məğlub olmuşdular.