Alen Simonyan: "Ermənistan Avropa İttifaqı istiqamətində düşünməlidir, lakin kəskin addımlar atmamalıdır"

"Ermənistan kəskin addımlar atmadan Avropa İttifaqı istiqamətində hərəkət etmək barədə düşünməlidir".

InterPress.ge xəbər verir ki, bunu Ermənistan Milli Assambleyasının sədri Alen Simonyan bildirib.

"Mən tələsmək istəmirəm, birtərəfli addımların atıldığı kimi görünməsini istəmirəm. Hesab edirəm ki, bizim fəaliyyətimiz göstərir ki, biz demokratiyanın bir çox göstəricilərinə görə artıq Avropa İttifaqının üzvü olan bir çox tərəfdaş ölkələrimizdən yüksəkdəyik. Hesab edirəm ki, biz bu istiqamətdə düşünməliyik, lakin ölkənin timsalında kəskin addımlar atmaq yaxşı deyil”, - Ermənistan parlamentinin spikeri bildirib.