Ermənistan Kollektiv Təhlükəsizlik Müqaviləsi Təşkilatında iştirakını dayandırıb

Ermənistanın baş naziri Nikol Paşinyan bəyan edib ki, ölkə Kollektiv Təhlükəsizlik Müqaviləsi Təşkilatında (KTMT) iştirakını dayandırıb.

InterPress.ge xəbər verir ki, bu barədə Paşinyan “France 24” telekanalına müsahibəsində deyib.

“Kollektiv təhlükəsizlik sazişi, fikrimizcə, Ermənistana münasibətdə, xüsusən 2021-2022-ci illərdə yerinə yetirilməyib. Bu, bizim diqqətimizdən kənar qala bilməz. Biz bu müqavilədə iştirakımızı dayandırdıq. Görək bundan sonra nə olacaq”.

Ermənistandakı Rusiya hərbi bazasının mümkün bağlanması ilə bağlı suala isə baş nazir “Hazırda bununla bağlı heç bir müzakirə aparılmır” cavabını verib.