İranda Pakistan sərhədi yaxınlığında silahlı şəxslər 9 xarici vətəndaşı öldürüb

İranda Pakistan sərhədi yaxınlığında silahlı şəxslər 9 xarici ölkə vətəndaşını qətlə yetiriblər.

InterPress.ge xəbər verir ki, bu barədə məlumatı İranın “Mehr” xəbər agentliyi yayıb.

"Şahidlərin sözlərinə görə, bu gün səhər saatlarında naməlum silahlı şəxslər Sistan və Bəlucistan əyalətinin Saravan şəhərində yerləşən evdə 9 əcnəbini qətlə yetiriblər", - İran mediası yazıb.

Hələlik heç bir qrup hadisəyə görə məsuliyyəti üzərinə götürməyib.

Xatırladaq ki, ötən həftə İran və Pakistan sərhədyanı Bəlucistan bölgəsinə raket zərbələri endirib.