Ermənilər kütləvi şəkildə Qarabağı tərk edir

13500-dən çox insan Qarabağdan Ermənistana köçüb.

InterPress.ge xəbər verir ki, bu barədə Ermənistan hökuməti məlumat yayıb.

 “Sentyabrın 26-da səhər saat 8:00-a olan məlumata görə, Dağlıq Qarabağdan 13 550 məcburi köçkün Ermənistan Respublikasına daxil olub”, - Ermənistan hökumətinin bəyanatında deyilir.

Onların bildirdiyinə görə, hökumət əvvəlcədən müəyyən edilmiş yaşayış yeri olmayan bütün vətəndaşları müvafiq mənzillə təmin edəcək.

Xatırladaq ki, Azərbaycanın bu bölgədə apardığı əməliyyatdan sonra Qarabağ bölgəsinin etnik erməni əhalisi bölgəni tərk etməyə başlayıb.

Qarabağı tərk edən ermənilər jurnalistlərə müsahibəsi zamanı öz istəkləri ilə Qarabağı tərk etdiklərini qeyd ediblər.