İrəvanda aksiya iştirakçıları Nikol Paşinyanın istefasını tələb edirlər

İrəvanda keçirilən etiraz aksiyasının iştirakçıları Ermənistanın baş naziri Nikol Paşinyanın istefasını tələb edirlər.

InterPress.ge xəbər verir ki, KİV-in  məlumatına görə, Qarabağda vəziyyətin gərginləşdiyi bir vaxtda etirazçılar İrəvanın mərkəzinə toplaşıblar.
 

Mitinq iştirakçıları Ermənistanı və Dağlıq Qarabağı xilas etməyin yeganə yolunun baş nazir Nikol Paşinyanın istefası olduğunu deyirlər.

İştirakçılar “Nikol satqındır”, “ayıbdır!” şüarları səsləndiriblər.

Xatırladaq ki, Azərbaycan Müdafiə Nazirliyi Qarabağda konstitusiya quruluşunun bərpası üçün lokal antiterror tədbirlərinin həyata keçirildiyini açıqlayıb.