Türkiyənin milli valyutası dollar qarşısında rekord səviyyədə enib

Türkiyə milli valyutası yenidən ucuzlaşma rekordu qıraraq dollar qarşısında ucuzlaşıb. Son ticarətdə 1 dollar 27,01 lirə olub. Bu arada Türkiyənin milli valyutası avroya qarşı 29,60 səviyyəsində olub.

InterPress.ge xəbər verir ki, taxıl sövdələşmələrinin dayandırılması ilə bağlı geniş yayılan məlumatlar fonunda iyulun 17-də türk valyutası ciddi ucuzlaşmağa başlayıb.

Bundan əvvəl Türkiyənin mərkəzi bankı daha sərt pul siyasəti yürüdəcəyini və inflyasiyanın qarşısını alacağını vəd edərək əsas faiz dərəcəsini 8,5%-dən 15%-ə qaldırmışdı. Lakin bundan sonra lirə nəzərəçarpacaq dərəcədə dəyərini itirərək 1 dollar - 26 lirədən alqı-satqıya başlayıb.