Fransada Gürcüstan vətəndaşı qətlə yetirilib

Fransanın qərb bölgəsində 10 ay əvvəl Nant şəhərindən yoxa çıxan 30 yaşlı Elbrus Qaracayevin meyiti tapılıb.

InterPress.ge xəbər verir ki, məlumatı Fransa mətbuatı yayıb.

Məlumata görə, hüquq-mühafizə orqanları 30 yaşlı kişinin itkin düşməsi ilə bağlı iş açıb. Ümumilikdə 6 nəfər saxlanılıb, onlardan üçü avtomobili yandırmaqda, üçü isə qəsdən adam öldürməkdə ittiham olunur.

Saxlanılanlardan biri polisə meyitin yerini də göstərib. Ekspertiza zamanı məlum olub ki, o, çoxsaylı xəsarətlər alıb.

Yaşları 19-22 arasında olan altı şübhəlidən üçü fransız, biri alman, biri rus və biri gürcüdür.