Marneulinin deputatı Azərbaycanda keçirilən növbədən kənar parlament seçkilərində müşahidəçi təyin olunub

“İnsanların müstəqil şəkildə öz seçimlərini etmələri üçün hər cür şərait yaradılıb”.

InterPress.ge xəbər verir ki, bunu APA-ya Gürcüstan parlamentinin deputatı Tamaz Naverlani deyib.

29 saylı Səbail Seçki Dairəsinin 4 saylı məntəqəsində seçki prosesini izləyən T. Naverlani bildirib ki, hər şey yüksək səviyyədə təşkil olunub.

“Xarici müşahidəçilərin prosesi izləməsi üçün bütün müvafiq addımlar atılıb. Hər şeydən məmnunuq. Hələlik heç bir qayda pozuntusu qeydə almamışıq”, - deyə o vurğulayıb.