Sinoptiklər yüksək hava temperaturu ilə bağlı əhaliyə xəbərdarlıq edir

Gürcüstanda avqustun 28-dək isti və əsasən yağıntısız hava şəraiti davam edəcək. Qərbi Gürcüstanda havanın temperaturunun 35, 40 dərəcə, sahilyanı rayonlarda 32, 37 dərəcə, Şərqi Gürcüstanda isə 31, 36 dərəcə olacağı gözlənilir.

lnterPress.ge xəbər verir ki, bu barədə Milli Ekologiya Agentliyi məlumat yayıb.

Yüksək hava temperaturu ilə yanaşı, Kolxeti düzündə, Yuxarı İmeretidə, Qara dənizin sahilyanı ərazilərində, Qori-Suram bölməsində, dağlıq rayonların bəzi ərazilərində güclü küləyin əsəcəyi gözlənilir ki, bu da agentliyin fikrincə, meşə yanğınları riskini daha da artıracaq.