Borjomidə baş verən yanğının söndürülməsi üçün işlər hələ də davam edir

Borjomidə baş verən yanğının söndürülməsi üçün işlər gecə boyu davam edib və hələ də davam edir.

lnterPress.ge xəbər verir ki, yanğının söndürülməsinə sərhəd polisinin 4 helikopteri, 300-ə yaxın yanğınsöndürən və xüsusi təyinatlılar bölməsinin 300 əməkdaşı cəlb olunub.

Bu tədbirlərə yerli polisin müvafiq bölmələrinin əməkdaşları da cəlb olunub. Bundan başqa, meşə massivində baş vermiş yanğının söndürülməsinə Ekologiya və Kənd Təsərrüfatı Nazirliyinin Milli Meşə Təsərrüfatı Agentliyinin əməkdaşları cəlb olunub.

Məlum olduğuna görə, hazırkı mərhələdə yanğının əhalinin məskunlaşdığı ərazilərə keçmə təhlükəsi aradan qaldırılıb.