Gürcüstanda 153 tibb işçisi koronavirusdan həyatını itirib

İyulun 1-nə qədər olan məlumata görə, 153 tibb işçisi koronavirusdan dünyasını dəyişib.

lnterPress.ge xəbər verir ki, bu barədə Xəstəliklərə Nəzarət Milli Mərkəzinin Covid-19 ilə bağlı dərc etdiyi hesabatda qeyd olunub.

Məlumata görə, tibb müəssisələrində çalışan qadınlar arasında ölüm halları 0,4%, kişilər arasında isə 1,4% təşkil edib.

Bundan əlavə, qeyd olunur ki, ölümlə nəticələnən 53 hadisədə (34,6%) müxtəlif müşayiət olunan xroniki xəstəliklər qeyd edilib ki, onların da əksəriyyətini ürək-damar xəstəlikləri təşkil edib. Ölənlər arasında tənəffüs sistemi xəstəlikləri əksər hallarda koronavirus xəstəliyinin fəsadları kimi qeydə alınır.