Taksi sürücülərinin nəzərinə! Bu halda cərimələnməyəcəksiniz

Sərnişin tütündən istifadə qaydalarını pozarsa, taksi sürücüləri dərhal 112-yə müraciət etsinlər.

InterPress.ge xəbər verir ki, bu barədə
tütünlə Mübarizə Qanununun icrasına nəzarət edən "Gürcüstanda Tütünlə Mübarizə Çərçivə Konvensiyasının İcra və Monitorinq Mərkəzi" qeyri-hökumət təşkilatı taksi sürücülərinə xəbərdarlıq edir.

"Son vaxtlar, xüsusən də rayonlarda siqaret çəkməyən sürücü sərnişin tərəfindən qanun pozuntusuna görə tez-tez cəzalandırılır. Bəzi vətəndaşlar hələ də avtomobilin salonunda siqaret çəkməyi qəti şəkildə tələb edirlər. Sürücünün xəbərdarlığını, xahişini nəzərə almırlar. Bu vaxt 112-yə zəng etməyən sürücü sərnişinin tez çatacağı ümidi ilə çox vaxt monitorun və ya patrul polisinin baxış sahəsində olur və cərimələnir. Sərnişin sizə tabe olmur? Zəng edin və ya 112-yə qısa mesaj göndərin. Bu halda yalnız sərnişin cərimələnəcək. Bütün sürücülərə səslənirik, 112-yə zəng edin və cərimədən yayının. İyun ayında taksi sürücüləri tərəfindən yalnız bir dəfə zəng edilib.Tiflisdə sürücü iki gənc xanımı maşından zorla düşürüb. Onlar intiqam almaq üçün siqaret yandırıblar.  Oturacağın üstünə atıblar, bu da oturacağın parçasının alışmasına səbəb olub", - deyə təşkilatdan bildirilir.