Polis qrup şəklində pul tələb etmək ittihamı ilə üç nəfəri saxladı

Daxili İşlər Nazirliyinin Acarıstan Polis Departamentinin Dedektivler  bölməsinin əməkdaşları həyata keçirdikləri əməliyyat-istintaq tədbirləri nəticəsində 3 nəfəri: 1989-cu il təvəllüdlü Q.İ., əvvəllər məhkum olunmuş 1998-ci il təvəllüdlü Q.B. və 2001-ci il təvəllüdlü N.B.-ni dəstə halında zorla pul tələb etmək ittihamı ilə saxlayıblar.

InterPress.ge xəbər verir ki, bu barədə Daxili İşlər Nazirliyi məlumat yayıb.

“E.M. Xelvaçauri bələdiyyəsində paraplan icarəyə götürməklə kommersiya fəaliyyəti ilə məşğul olub, müttəhimlər isə gəlirlərini bölüşdürmək üçün onu öldürməklə və paraplanını ələ keçirməklə hədələməklə yanaşı, şiddət tətbiq ediblər.

Hakimin qərarı əsasında asayiş keşikçiləri tərəfindən gizli istintaq hərəkətləri, habelə istintaq-prosessual tədbirlər həyata keçirilib, nəticədə cinayətkar qrupun E.M. -yə qarşı qanunsuz hərəkətləri üzə çıxıb.

Polis hakimin qərarı əsasında Acarıstanda keçirdiyi xüsusi əməliyyat tədbiri nəticəsində hər üç şəxsi saxlayıb.

Faktla bağlı Cinayət Məcəlləsinin 181-ci maddəsinin 2-ci hissəsinin “a” bəndi ilə cinayət işi başlanıb.

Bu cinayətə görə 4 ildən 7 ilə qədər həbs cəzası nəzərdə tutulur