13 
Iyn
2022
12:43
192

Prokurorluq tərəfindən xüsusilə külli miqdarda qanunsuz gəlirin leqallaşdırılması faktı aşkar edilib

Gürcüstanın Baş Prokurorluğu apardığı kompleks araşdırma nəticəsində transmilli cinayət işinin üstünü açıb və və 500 min avroluq qanunsuz gəlirin leqallaşdırılması faktını aşkarlayıb.

lnterPress.ge xəbər verir ki, bu barədə Gürcüstan Prokurorluğu məlumat yayıb.

Qurumdan verilən məlumata görə, iki fiziki və bir hüquqi şəxs barəsində cinayət işi başlanıb.

“İstintaq müəyyən edib ki, Avstriya vətəndaşı külli miqdarda pulu mənimsəmək məqsədilə tibbi maska ​​almaq istəyən Çexiya şirkətinin nümayəndələrini və Almaniyada yaşayan vətəndaşları lazımi malları tədarük etməyə razı salıb.

Tərəflər arasında əldə olunmuş razılığa əsasən, 2020-ci ilin martında Çexiya şirkəti təqsirləndirilən şəxsə məxsus şirkətin xarici bank hesabına 1 milyon 120 min avro, 2020-ci ilin mayında isə Almaniyada yaşayan vətəndaşlar 180 min avro köçürüb. Təqsirləndirilən şəxs qəsdən sifariş verdiyi malı müştərilərə çatdırmamaqla, bank hesabına köçürülən pul vəsaitlərini mənimsəyib, bununla da zərərçəkmişlərə külli miqdarda maddi ziyan vurub.

Təqsirləndirilən şəxs cinayət yolu ilə əldə etdiyi pul vəsaitlərinin leqallaşdırmaq məqsədi ilə Gürcüstanda saxta məqsədlər və saxta sənədlərdən istifadə etməklə şirkətin hesabında toplanmış qanunsuz gəlirləri, onunla cinayət əlaqəsində olan Gürcüstan vətəndaşına məxsus müəssisənin bank hesabına köçürüb. Daha sonra şirkət hesabından çıxarılan məbləğ, Gürcüstan vətəndaşının mənfəəti istisna olmaqla, təqsirləndirilən şəxslər və onunla əlaqəli şəxslərə köçürülüb.

Bununla da cinayətkar qrupunun üzvləri 500 min avroya yaxın qanunsuz gəliri leqallaşdırıblar.

Təqsirləndirilən fiziki şəxslərə qarşı Gürcüstan Cinayət Məcəlləsinin 9 ildən 12 ilədək həbsi nəzərdə tutan 194-cü maddəsinin 2-ci hissəsinin "a" və 3-cü hissəsinin "q" bəndi ilə cinayət işi başlanıb.

Rezident hüquqi şəxsin hərəkətləri Gürcüstan Cinayət Məcəlləsinin 194-cü maddəsinin 3-cü hissəsinin “C” yarımbəndi ilə tövsif edilir ki, bu da cəza ləğvetməni və ya fəaliyyət hüququndan məhrumetmə və cərimə kimi nəzərdə tutur.

Təqsirləndirilən şəxslər barəsində həbs-qətimkan tədbiri seçilib.

Gürcüstan Baş Prokurorluğu cinayətkar qruplaşmanın üzvləri, eləcə də oxşar fəaliyyətlə məşğul olan digər fiziki və ya hüquqi şəxslərlə bağlı araşdırmaları davam etdirir”, - deyə məlumatda qeyd olunub.

Bizimlə əlaqə saxlayın