Bu gündən bu şəxslər üçün sosyal yardım paketi artırılır

"Övladlarımızın daha gözəl gələcəyinin qayğısına qalmaq, onların inkişafı, sağlamlığı, tamhüquqlu vətəndaş kimi yetişməsi üçün şərait yaratmaq Gürcüstanın gücünün ilkin şərtidir və hökumətimizin əsas vəzifəsidir".

lnterPress.ge xəbər verir ki, bu barədə Gürcüstanın baş naziri İrakli Ğaribaşvilinin bəyanatında qeyd olunub.

Baş nazirin sözlərinə görə, hakimiyyətə gəldikdən sonra bu istiqamətdə bir sıra islahatlar və layihələr həyata keçirilib.

“Keçən il biz sosial cəhətdən həssas uşaqlara yardımı iki dəfə artırdıq. Bu gündən yardım daha da artacaq və 150 ​​lari təşkil edəcək. Proqram 215 mindən çox uşağa təsir edəcək və bunun üçün dövlət 341 milyon lari ayıracaq. Uşaq yoxsulluğunun azaldılması və onların inkişafının təmin edilməsi istiqamətində səylərimiz davam edəcək və gücləndiriləcəkdir.

Balacalarımıza və onların ailələrinə sülh, sağlamlıq və firavanlıq arzulayıram”, - deyə baş nazir qeyd edib.