Tibb işçiləri maaşların artırılmasını tələb edirlər

Təcili tibbi yardım işçiləri - həkimlər və sürücülər həmkarlar ittifaqı ilə birgə aksiya keçiriblər.

lnterPress.ge xəbər verir ki, həkimlər maaşların 100% artırılmasını və layiqli iş şəraitini tələb edirlər.

Tibb İşçiləri Həmkarlar İttifaqının prezidenti İrakli Amiranaşvilinin sözlərinə görə, bu xəbərdarlıq tədbiridir və tələblərə əməl olunmadıqda aksiyaların davam etdirilməsi elan ediləcək. Etirazçılar işəgötürənlərə çərşənbə axşamına qədər vaxt veriblər.

“Bu gün fövqəladə hallar idarəsi ilə bir araya gəldik. Fövqəladə hallar işçiləri maaşlarının 100% artırılmasını tələb edirlər. Ötən həftə iki nazir müavini və bir işəgötürənlə görüşümüz oldu. Onlar söz verdilər ki, bir həftə ərzində yeni model hazırlanacaq və iş yükü əsasında hesablanacaq. Nəticədə onların maaşları artacaqdı, baxmayaraq ki, son görüşümüzdə bu vədi almadıq. Əksinə işçilər 12 saatlıq növbəyə keçirilib. Müvafiq olaraq, daha çox işə getməli olurlar, amma maaş eyni qalır. Tələb maaşların artırılmasıdır ", - deyə Amiranaşvili bildirib.

Aksiyanın təşkilatçıları maaşların 100% artırılmasını tələb edən məktub hazırlayıb və bunu aksiya iştirakçıları yerindəcə imzalayıblar. Onların sözlərinə görə, sənəd Fövqəladə Halların Koordinasiyası və Təcili Yardım Mərkəzinin direktoru və səhiyyə nazirinə veriləcək.