Gürcüstanda mayın 21-dək gözlənilən hava şəraiti açıqlandı

19 may günün ikinci yarısından mayın 21-dək Gürcüstanda arabir yağış yağacağı, şimşək çaxacağı, bəzi yerlərdə güclü, qərb küləyi əsəcəyi gözlənilir. Şərqi Gürcüstanda isə bəzi yerlərdə dolu yağacağı ehtimalı var.

lnterpress.ge xəbər verir ki, bu barədə Milli Ətraf Mühit Agentliyindən məlumat verilib.

Məlumata görə, gözlənilən yağıntılar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq ərazilərdə sürüşmələrin aktivləşməsinə səbəb ola bilər.