Ətlə bağlı yeni qanun qüvvəyə minir

Milli Qida Agentliyinin təşəbbüsü və FAO-nun Heyvanların İdentifikasiya-Qeydiyyat Sistemi (NAITS) layihəsinin dəstəyi ilə ət QR kodu ilə istehlak bazarına çıxarılacaq.

lnterpress.ge xəbər verir ki, bununla əlaqədar olaraq, Milli Qida Agentliyi ölkə üzrə kəsim məntəqələrini müvafiq texniki avadanlıqlarla təmin edəcək.

Milli Qida Agentliyinin sədr müavini Vasil Basiladzenin sözlərinə görə, ətin “QR” kodu ilə bazara çıxarılması inkişaf etmiş ölkələrdə sübut olunmuş təcrübədir və hazırda Gürcüstanda da mümkündür.

“Bu, istehlakçıların maraqlarının qorunması və məlumatlılığın artırılması istiqamətində irəliyə doğru daha bir addımdır”, - deyə Vasil Basiladze bildirib.

Milli Qida Agentliyinin məlumatına görə, biznes operatorlarının maarifləndirilməsi və proqramın səmərəli həyata keçirilməsi məqsədilə heyvan kəsimi məntəqəsinin əməkdaşlarına təlimlər keçirilib.

Mövcud qanunvericiliyə görə, ətin etiketlənməsi məcburidir, lakin bundan əlavə, etiketdə “QR” kodu olacaq ki, bu da müştəriyə və ya maraqlanan şəxsə mobil proqram vasitəsilə heyvan haqqında əlavə məlumat əldə etməyə imkan verəcək (mənşə yeri, vizual məlumatlar, kəsilmə tarixi, kəsilmə və s.).

Məlumat üçün bildirək ki, Avropa İttifaqının tələblərinə uyğun olaraq, Milli Qida Agentliyi 2012-ci ildən heyvanların identifikasiyası prosesini həyata keçirir, 2017-ci ildən isə FAO Heyvanların İdentifikasiya və Qeydiyyat Sistemi (NAITS) layihəsinin dəstəyi ilə heyvanların elektron qeydiyyatı proqramı və vahid məlumat bazası tətbiq edilir ki, bu da mühasibat uçotunun və izlənməsinin təkmilləşdirilməsinə kömək edir.