Sinoptiklərdən açıqlama: Yağışlı hava bu tarixədək davam edəcək

Aprelin 29-u günün sonundan mayın 3-dək Şərqi Gürcüstanda, mayın 1-2-də isə Qərbi Gürcüstanda arabir qısamüddətli yağış yağacağı, şimşək çaxacağı, bəzi yerlərdə güclənəcəyi gözlənilir.

lnterPress.ge xəbər verir ki bu barədə məlumatı Milli Ətraf Mühit Agentliyi yayıb.

Sinoptiklərin verdiyi məlumata görə, Gürcüstanın şərqində bəzi yerlərdə dolu yağacağı ehtimalı var. Mayın 2-də arabir güclü qərb küləyi əsəcək.

Gözlənilən yağıntılar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq ərazilərdə sürüşmələrin aktivləşməsinə səbəb ola bilər.