Bu gündən etibarən sürücülük imtahanından real şəraitdə keçmək məcburidir

Bu gündən etibarən sürücülük imtahanından real şəraitdə keçmək məcburi xarakter alıb.

 lnterPress.ge xəbər verir ki, bu barədə Daxili İşlər Nazirliyinin Xidmət Agentliyindən məlumat verilib.

“25 aprel 2022-ci il tarixindən etibarən “B” və “BE” kateqoriyalı sürücülük imtahanının praktiki hissəsi iki mərhələli olacaq. Praktiki sınaq imtahanının ikinci mərhələsi Gürcüstanın daxili işlər nazirinin əmri ilə təsdiq edilmiş imtahan marşrutlarına uyğun olaraq real yol hərəkəti şəraitində keçiriləcək.

Praktiki sınaq imtahanının ikinci mərhələsinə buraxılan sürücü namizədi müxtəlif hərəkət intensivliyi olan yolda imtahan verməlidir: - Yaşayış olmayan ərazilərdə; -Magistral yolda və ya digər oxşar yolda və ya 80 km/saatdan çox sürətlə hərəkətə icazə verilən yolda; Yaşayış yerlərində, 60 km/saatdan çox olmayan sürətlə hərəkətə icazə verilən yollarda.

Sürücü namizədi praktiki imtahanın ikinci mərhələsindən keçmək üçün ən azı 25 dəqiqə müəyyən marşrut üzrə səyahət etməli olacaq ", - deyə məlumatda bildirilib.