Rusiya XİN: "Belə bir şəraitdə ölkəmiz Avropa Şurasında qalmayacaq"

Rusiya Avropa Şurasından rəsmən çıxmaq qərarını təşkilatın baş katibi Mariya Pejinoviç-Buçiyə təhvil verib.

InterPress.ge xəbər verir ki, bu barədə Rusiya mətbuatı ölkənin Xarici İşlər Nazirliyinə istinadən məlumat yayıb.

“Avropa Şurasındakı çoxluqdan sui-istifadə edən NATO və Aİ bu təşkilatı anti-Rusiya siyasətinin alətinə çevirərək, bərabərlikçi dialoqu və təşkilatın əsasını qoyduğu bütün prinsipləri rədd edib. Fevralın 25-də onlar Rusiya nümayəndəliyinin fəaliyyətinin dayandırılması ilə bağlı ayrı-seçkilik xarakterli qərar qəbul ediblər. Belə bir şəraitdə ölkəmiz Avropa Şurasında qalmayacaq”, - bəyanatda deyilir.